Tysdagar er det herretreff og onsdagar dametreff på kaféen ved Coop Prix, begge dagar frå kl. 12.00. Alle er velkomne. Her er kaffi tigjengeleg, og “nogo attåt” er å få på butikken. Kaféhuset er finansiert og oppført i regi av Øyrådet, og alt byggearbeid er utført på dugnad. I tillegg til innvendig toalett er her eit toalett med tilgang berre utafrå, med tanke på turistar og andre trengande.

Dametreff på kaféen

Øyrådet vart skipa i februar 2015 og gjorde alt same hausten ei større oppgradering av uteområdet ved skulen, i samarbeid med skulen, Nordøy IL og Haram kommune. I 2016 starta arbeidet med Skulebua, som vart “høgtideleg” innvigd ein regndag i august 2017.

Herretreff på kaféen

Av andre saker Øyrådet har engasjert seg i, kan nemnast breiband/fiberkabel på heile øya, ny arealplan for øya, kjempa for kvileheimen, bevaring av skulen, diverse tilstellingar og andre trivselstiltak. Dessutan prøver vi å få hurtigbåten til Longva i tilfelle ny rute til øyane når Nordøyvegen er ferdig.

Vil du støtte dette arbeidet, så meld deg gjerne som medlem (uforpliktande). Det kan du gjere ved å vippse kr 100 til 121979 og skrive “medlem” i tekstfeltet. Eller betal kr 100 til konto nr. 3910.52.30706 og skriv namnet ditt og “medlem”.