Stad og tid: Sjurgarden kl. 15.00 – 17.30

Medlemer til stades: Jan Arne Longva, Severin Longva, Kåre Flem, Arnfinn Flem og Knut Flem.
Forfall: Per Olav Vedeld

Sak 1. Leigeavtale for grunnen der hytta skal stå

Grunnen der Skulebua skal plasserast er fellesbeite for grunneigarane på Nedre Longva. Det er skrive ein leigeavtale på 21 år med grunneigarane, og det er innhenta underskrifter frå alle eigarane.
For å kunne søkje om spelemidlar til hytta må leigeavtalen tinglysast, og dette vert sett i verk straks.

Sak 2. Søknad om byggeløyve

Det må søkjast kommunen om løyve til å setje opp hytta på Skuletoppen, og Severin sender søknad om byggeløyve straks.

Sak 3. Søknad om spelemidlar

Det er mogleg å få spelemidlar til Skulebua under ordninga «Nærmiljøanlegg». Ein kan få inntil 50% av kostnaden. Arnfinn innhentar prisoverslag frå N.L. Austnes, og Knut skriv søknad og sender innan fristen 21. oktober.

Sak 4. Utforming og byggemåte

Hytta blir åttekanta med seks meter i «diameter» (6 meter mellom to motståande vegger). Taket vert om lag som ein opp-ned båt på form. Det vert vanleg reisverk med utvendig og innvendig bordkledning. Taket vert òg bordkledd. Innvendig blir det eit kryploft/hems, benker rundt veggene og grillplass i midten. Ca. to meter lange vindauge i sju av veggene, dør og vindauge i den åttande.

Skulebua skal byggast delvis ferdig nede i lavlandet og fraktast opp på fjellet i bitar, truleg med helikopter. Arnfinn høyrer med N.L. Austnes om byggearbeid kan gjerast i lokala deira.
Arbeidet bør starte så snart som mogleg, slik at hytta er klar til å fraktast opp utpå våren/sommaren 2016.

Referent: Knut Flem