Longva Barnehage

Både skular og barnehagar har reglar om miljøretta helsevern. Ei arbeidsmiljølov for borna. Longva barnehage er den første barnehagen i kommunen som er godkjend etter lova.

Styrar Kari Rogne Kolseth er litt stolt av at den vesle private barnehagen er den første som har godkjenning på plass.  Etter tilsyn tilbake i 2015, vart det avdekka 3 avvik som gradvis har kome på plass. Manglande støymåling, manglande rutine for lite brukte dusjar og lysforhold.

Styrar Kari Rogne Kolseth

Greie ting å få ordne, men med lite pengar i kassa til å leige inn naudsynt støymåling og utbetring av lys, måtte dei ta tida til hjelp. For pengar må dei ta av driftsmidlar som dei treng til også andre naudsynte ting.

Med utgangspunkt i regelverket har barnehagen utarbeida omfattande internkontroll med instruks for alle gjeremål i 24 emner. Detaljert oversikt over barnehagen, innreiinga og gjeremåla. Vi kan nemne: om aktivitet og kvile, reinhald og vedlikehald, førstehjelp og smittevern, inneklima og luftkvalitet osv.

Når det gjeld det praktiske og pengekrevjande, rosar Kolseth foreldrene som stiller til dugnad og utfører vedlikehald, reparerer og fornyar. Foreldre med kompetanse på ulike felt er barnehagen sin ”vaktmeistar”.

For nokre år sidan vart det bestemt at no fekk ikkje aktørane drive på vilkår. No skulle det vere enter eller – godkjent eller ikkje. Ut frå dei nye krava vart det utført tilsyn på alle skular og barnehagar. Manglar og avvik skulle utbetrast før godkjenning. Longa barnehage kom først i mål.

Susann Ravnestad med fornøgde born.

Olav Skarstein